Хөдөө орон нутагт тогтвор суурьшилтай ажилласны 5 жил тутамд нэг удаа олгох мөнгөн тэтгэмж
2022-12-22 14:22:37 | 61Туршилтаар
Нэхэмжлэгч багш Л.О-с хөдөө орон нутагт тогтвор суурьшилтай ажилласны тэтгэмжийг олгохгүй байгаа эс үйлдэхүй нь хууль бус болохыг тогтоолгох, суугдаж орж ирсэн тэтгэмжийг Л.О-ийн дансанд шилжүүлэхийг даалгуулахаар маргасан.
Нэхэмжлэгч Л.О нь 5 жил тутамд нэг удаа 10 сарын үндсэн цалинтай тэнцэх хэмжээний мөнгөн тэтгэмжийг анх 2017 оны 04 дүгээр сарын 20-ны өдөр авсан бөгөөд түүнээс хойш тасралтгүй 5 жил буюу 2022 оны 04 дүгээр сарын 20-ны өдөр хүртэл ажиллаж байж дахин 5 жил тутамд нэг удаа 10 сарын үндсэн цалинтай тэнцэх хэмжээний мөнгөн тэтгэмж авах эрх үүсэхээр байсан. Гэтэл 2021 оны 12 дугаар сарын 29-ний өдөр өндөр насны тэтгэвэрт гарч, тухайн сургуульдаа 2022 оны 02 дугаар сарын 07-ны өдрөөс цагийн багшаар томилогдон ажилласнаар 2022 оны 1 дүгээр сард ажилласан жил тасарсан төдийгүй тасралтгүй 5 жил ажилласан байх гэсэн шаардлагыг хангахгүй байна гэж үзэж нэхэмжлэлийг бүхэлд нь хэрэгсэхгүй болгон шийдвэрлэсэн.
Санамж:
Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно.
Хураангуйг бэлтгэсэн: Говь-Алтай аймаг дахь Захиргааны хэргийн анхан шатны шүүхийн Ерөнхий шүүгч Э.Золбадрах
. . .
Цаг үеийн мэдээ
07